Estimadas
familias,
Comezamos un mes moi especial, cheo de
ilusións, traballo e bos desexos para toda a comunidade educativa.
Como tódolos anos, a ANPA organiza
o concurso de postais de Nadal, que poderedes ver expostas no colexio neste mes
de decembro.
Os premios entregaranse o día 20.
Este mesmo
día celebramos o Día Internacional da Solidariedade, xunto coas demais escolas
Amigas de Unicef.
As
Voluntarias da Caridade invítannos, un ano máis, a participar na campaña de
Nadal, levando ao Centro alimentos para as familias con menos recursos. Fomentar
a solidariedade entre os nosos alumnos é un rasgo distintivo dos nosos centros.
Os Reis Magos
visitarán o colexio o venres 13 pola tarde e traerán sorpresas para todos.
A entrega de
notas da primeira avaliación será o
venres 20.
As vacacións
de Nadal comezarán ese mesmo día 20 ao mediodía
(haberá servizo de comedor ata as 15:00h) e estaremos
de volta o xoves 9 de xaneiro.
Esperamos que
nestas datas a rutina se convirta en sorpresa, os
enfados en sorrisos e as tristuras en esperanzas.
¡MOI BO NADAL!
