DECEMBRO

Estimadas familias,

Como sabedes, o martes 6, día da Constitución, e o xoves 8, día da Inmaculada non haberá clase.

O curso pasado aplicouse a proba de Avaliación Diagnóstica a tódolos centros da Comunidade Autónoma de Galicia. Os alumnos de 2º ESO e 4º E. Primaria realizaron as probas nas seguintes competencias:

Ø      comunicación lingüística

Ø      matemática

Ø      coñecemento e interacción co mundo físico

Os resultados destas probas no noso centro foron moi positivos, acadando en E. Primaria e E. Secundaria promedios globais superiores á media dos centros de Galicia. Isto supón un aliciente para seguir mellorando e traballando no noso labor académico e educativo.

Como tódolos anos, a ANPA organiza o concurso de postais de Nadal, que estarán expostas no salón de actos do centro dende o xoves 1 de decembro.

Este ano o Colexio participa na 46 edición do concurso de beléns Novacaixagalicia. Podedes ver a exposición dende o 14 de decembro ao 6 de xaneiro na Sala de Exposicións Centro Cultural Novacaixagalicia, Policarpo Sanz, 13.

Os Reis Magos visitarán o noso colexio o venres 16 pola tarde, con sorpresas para todos.

Un ano máis, as Voluntarias da Caridade dende o seu Cuartito Solidario invítannos a participar na campaña de Nadal levando ao centro productos e xoguetes (en bo estado) para as familias con menos recursos. É unha prioridade do centro fomentar a solidariedade nos nosos alumnos.

A festa de Nadal para as familias será o martes 20 ás 15:15h coas actuacións dos alumnos de EI e EP. Os alumnos de ESO participarán na organización e presentación do acto. Unha vez rematado o festival, ás 17:00h, haberá unha merenda organizada pola ANPA para as familias no comedor.

A entrega de notas da 1ª Avaliación será o mércores 21 de decembro.

As vacacións de Nadal comezarán o mércores 21 ao mediodía (haberá servizo de comedor ata as 15:00h) e estaremos de volta o luns 9 de xaneiro.

Como xa vos informamos nas reunións de familias a comezo de curso, este mes entregámosvos o documento da aportación voluntaria que deberá ser entregado cuberto antes do 21 de decembro en Secretaría.
                               
                                   ¡Non te deteñas!

Abre os teus ollos

e o teu corazón

ao Nadal.

Mira ao ceo,

 non busques razóns.

Non trates de entender...

       Sigue a estrela.


Felices festas e bo comezo de ano.
A DIRECCIÓN

MENÚ COMEDOR DECEMBRO

luns	martes	mércores	xoves	venres
			1 Espaguetis con tomate Hamburguesa, ensalada e ketchup Natillas	2 Crema de cenoria Arroz branco con bonito     . Froita
5 Alubias estofadas Empanada de bonito          . Iogur	6 FESTIVO	7 Crema de cenoria Croquetas con xamón e ensalada                      Froita	8 FESTIVO	9 Sopa de pasta Pescada á romá con patacas e ensalada Natillas
12 Crema de cenoria Polo asado con patacas fritidas                     . Iogur	13 Lentellas vexetais Hamburguesa con tomate e ensalada                            . Froita	14 Espaguetis con tomate Filete de peituga con ensalada e patatillas                                                                 .  Natillas	15 Crema de verduras Filede de pescado con patacas fritidas e ensalada            Galletas con queixiño e marmelada	16 Fideos con carne Pizza, leituga e tomate      . Froita
19 Crema de calabacín Arroz branco con atún     . Iogur	20 Macarróns con tomate San Jacobos con ensalada                     Flan	21 Sopa de pasta Tortilla francesa e slchicas                . Froita e postre sorpresa

CAMPAÑA DE NADAL - CUARTITO SOLIDARIO

As voluntarias da Caridade piden a colaboración das familias (a través dos seus fillos) especialmente nestas datas. Para iso, os alumnos levarán unhas bolsas que poderán traer ata o 15 de decembro ao centro con productos típicos de Nadal. Así poderemos conseguir entre todos que moitas familias sen recursos poidan CELEBRAR O NADAL. Conseguiredes ser...

         !PAPA NOEL POR UN DÍA!

                                              Gracias pola vosa colaboración.

CHARLA-COLOQUIO FAMILIAS E.INFANTIL Y E.PRIMARIA (1º CICLO)

O vindeiro martes 26 de novembro, terá lugar a charla-coloquio dirixida ás familias do alumnado de Educación Infantil e Primeiro ciclo de Educación Primaria (1º e 2º EP) organizada dende o depto. de orientación do centro.


O tema será A AUTONOMÍA PERSOAL dos nenos e aportaránse pautas para poder levar a cabo na casa, xa que consideramos fundamental que as aprendizaxes escola-casa vaian parexas.


Será no Salón de Actos ás 16:00h.

NOVEMBRO

Comezamos o mes de novembro celebrando cos máis pequenos a festa de Samaín e Halloween. Grazas aos pais e nais de E. Infantil pola vosa participación no concurso de cabazas, onde estivo presente a vosa imaxinación e creatividade.

As familias estades invitadas ao VII Encuentro Nacional de pais/nais de alumnos/as en Salamanca os días 11, 12 e13. O tema: Parentalidad positiva. ¡Animádevos!

O venres 11 de novembro pola tarde festexamos o Magosto con castañas e froitos secos do outono.

O Departamento de Música organizará actividades para celebrar o día da música (Santa Cecilia) o martes 22.

O venres 25  celebraremos a Milagrosa  cun  acto no colexio aberto ás familias de EP.

Informamos dos nosos venres solidarios. Cada curso, de 5º a 4ºESO, vai dinamizar un proxecto solidario. O material será recollido dous venres de cada mes. Facer aos alumnos máis solidarios é un obxectivo importante do centro.

·          5ºEP - material escolar novo

·          6ºEP - cartuchos impresora

·          1ºESO – material escolar usado

·          2ºESO – tapóns

·          3ºESO – alimentos

·          4º ESO – uniformes e chándal

Como sabedes, este ano comezamos coas seccións bilingües no colexio. A partir deste mes contamos cun auxiliar de conversa que reforzará a competencia oral dos alumnos desde E. Infantil (3 anos) a 4º ESO.

Grazas pola vosa colaboración no Domund.

A Dirección