Estimadas familias,
dámosvos a benvida ao novo curso informándovos do máis relevante destes dous primeiros meses.
En primeiro lugar, o cambio na Dirección Titular do Centro: Sor Rosario González Alonso é a nova directora. Agradecemos a Sor Carmen Lorenzo Costas toda a súa dedicación ao centro durante estes anos.
Celebramos a apertura do novo curso escolar 2014-2015 coa festa de San Vicente de Paúl, o noso patrono. As familias de E.Infantil estades invitadas a participar nun acto na capela do Colexio ás 9:15h. As familias de E.Primaria podedes asistir a unha eucaristía na parroquia do Sagrado Corazón ás 9:30h. Ademais das actividades deportivas,e dentro dos actos previstos, está o sorteo dunha camiseta do R.C.Celta de Vigo asinada por todos os xogadores. A recaudación obtida irá integramente a unha beca de estudos para unha rapaza na Misión das Fillas da Caridade en Guinea.
O valor educativo vicenciano que traballaremos durante este curso é o sentido crítico, baixo o lema: O que a ti te move, móvese contigo; se crítico! Trataremos de fomentar este valor como xeito de percibir a realidade, buscar a verdade e chegar a ser persoas trascendentes, libres e creativas.
Outra novidade é a plataforma educativa que estreamos este ano: EDUCAMOS.En breve teredes á vosa disposición as claves de acceso para poder estar informados do máis importante sobre a actividade educativa dos vosos fillos no colexio.
Como é costume, teredes unha reunión cos titores en outubro, na que vos contarán como se vai desenvolver o curso e recibiredes unha axenda informativa. Estas son as datas e horario das reunións:
E.Infantil – xoves 2 de outubro ás 17:15h.
E.Primaria – martes 7 de outubro ás 17:15h.
ESO – xoves 9 de outubro ás 17:15h.
Antes destas reunións cos titores nas aulas, haberá un primeiro encontro de benvida co Equipo Directivo no salón de actos do colexio ás 16:30h.
É importante que pasedes por Secretaría para formalizar o Seguro Escolar e o Material Escolar. Neste mes recibiredes información das actividades extraescolares promovidas pola ANPA e a data de reunión de principio de curso.
Moitas grazas por confiar e colaborar co centro.
Un saúdo A DIRECCIÓN
